First Night ರೂಮ್​ನಲ್ಲಿ ವಿಡಿಯೋ ಮಾಡಿ ಹೇಗಿದೆ ಎಂದು ಪ್ರಶ್ನಿಸಿದ ನವದಂಪತಿ..!!|

ನವದೆಹಲಿ" ಸೋಷಿಯಲ್ ಮೀಡಿಯಾದ ಹುಚ್ಚು ಅತಿರೇಕಕ್ಕೆ ಹೋದರೆ ಏನಾಗುತ್ತದೆ ಎನ್ನುವುದಕ್ಕೆ ಈ ಘಟನೆ ಉದಾಹರಣೆಯಾಗುತ್ತದೆ. ಸಾಮಾಜಿಕ ಜಾಲತಾಣ ಯುಗದಲ್ಲಿ ಎಲ್ಲರೂ ಫೇಮಸ್ ಆಗಬೇಕು ಎಂಬ ಉದ್ದೇಶದಿಂದ ಹುಚ್ಚುಚ್ಚಾಗಿ ವಿಡಿಯೋ ಮಾಡಿ ಹರಿಬಿಡುತ್ತಿದ್ದಾರೆ. ಒಬ್ಬರು ತಮ್ಮ ಅಡುಗೆ ಕೋಣೆಯನ್ನು ತೋರಿಸಿದರೆ, ಕೆಲವರು ತಮ್ಮ ಬಾತ್ರೂಮ್ ತೋರಿಸುತ್ತಾರೆ. ಅದೇ ರೀತಿ ಫ್ರಿಡ್ಜ್, ವಾಷಿಂಗ್​ ಮೆಶಿನ್​ ಸಹ ತೋರಿಸುತ್ತಾರೆ. ಹೀಗೆ ತಮ್ಮ ಖಾಸಗಿಯಾದ ಎಲ್ಲವನ್ನೂ ಬಿಚ್ಚಿಡುವ ಮಂದಿಯ ನಡುವೆ ಬೆಡ್​ರೂಮಿನ ದೃಶ್ಯಗಳನ್ನೂ ಸೋಷಿಯಲ್ ಮೀಡಿಯಾದಲ್ಲಿ ಹರಿಯಬಿಟ್ಟಿದ್ದಾರೆ.

ಹೌದು, ಇತ್ತೀಚೆಗೆ ನವವಿವಾಹಿತನೊಬ್ಬ, ಸಿಂಗರಿಸಿದ ತನ್ನ ಫಸ್ಟ್​ ನೈಟ್​ ಕೋಣೆಯಲ್ಲಿ ನಿಂತು, ಫೋನ್ ಹಿಡಿದು, ತನ್ನ ಪತ್ನಿಯನ್ನು ಕರೆದು ನೆಟ್ಟಿಗರಿಗೆ ಪರಿಚಯಿಸಿದ್ದಾನೆ. ಈ ವಿಡಿಯೋ ಇದೀಗ ಭಾರೀ ವೈರಲ್ ಆಗುತ್ತಿದೆ. ಹಾಯ್ ಫ್ರೆಂಡ್ಸ್ ಎಂದು ಮಾತು ಆರಂಭಿಸಿರುವ ನವವಿವಾಹಿತ, ಇಂದು ಫಸ್ಟ್ ನೈಟ್ ನಡೆಯಲಿದೆ. ಕೋಣೆಯನ್ನು ಹೂವಿನಿಂದ ಸುಂದರವಾಗಿ ಅಲಂಕರಿಸಲಾಗಿದೆ. ಇಲ್ಲಿ ನನ್ನ ಹೆಂಡತಿ ಇದ್ದಾಳೆ. ನಾವಿಬ್ಬರು ಇಂದು ಮದುವೆಯಾದೆವು ಎಂದು ಪತ್ನಿಯನ್ನು ಪರಿಚಯಿಸುತ್ತಾನೆ. ಇದೇ ಸಂದರ್ಭದಲ್ಲಿ ನೆಟ್ಟಿಗರಿಗೆ ಹಾಯ್​ ಎಂದು ಹೇಳಿ, ರಾತ್ರಿಯ ಅಲಂಕಾರ ಹೇಗಿದೆ ಎಂದು ಕೇಳುತ್ತಾನೆ. ಬಳಿಕ ತನ್ನ ಪತ್ನಿಗೆ ಲಿಪ್​ ಕಿಸ್ ನೀಡುತ್ತಾನೆ. ಇದಾದ ನಂತರ ತನ್ನ ಹೆಂಡತಿಯನ್ನು ಹತ್ತಿರಕ್ಕೆ ಎಳೆದುಕೊಂಡು ಕೆನ್ನೆಯನ್ನು ಸ್ಪರ್ಶಿಸುತ್ತಾನೆ. ಬಳಿಕ ಹೂವಿನಿಂದ ಅಲಂಕರಿಸಲ್ಪಟ್ಟ ಹಾಸಿಗೆಯನ್ನು ತೋರಿಸುತ್ತಿರುವುದು ವಿಡಿಯೋದಲ್ಲಿದೆ.

ಇದೀಗ ಈ ವಿಡಿಯೋ ನೋಡಿದ ನೆಟಿಝನ್ಸ್ ನಿಂದ ನಾನಾ ಬಗೆಯ ಕಮೆಂಟ್ ಗಳ ಮಹಾಪೂರವೇ ಹರಿದುಬರುತ್ತಿದೆ. ಅನೇಕರು ತಮ್ಮದೇ ರೀತಿಯಲ್ಲಿ ಕಾಮೆಂಟ್‌ ಮಾಡುವ ಮೂಲಕ ನವದಂಪತಿ ವಿರುದ್ಧ ಆಕ್ರೋಶ ಹೊರಹಾಕುತ್ತಿದ್ದಾರೆ. ಎಲ್ಲಿಗೆ ಹೋಗುತ್ತಿದೆ ನಮ್ಮ ಸಂಸ್ಕೃತಿ? ವ್ಯೂವ್ಸ್​ಗೋಸ್ಕರ ಈ ಮಟ್ಟಕ್ಕೆ ಇಳಿಯುತ್ತಾರಾ ಎಂದೆಲ್ಲ ಕಾಮೆಂಟ್ ಮಾಡುವ ಮೂಲಕ ದಂಪತಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಇನ್ನೂ ಈ ಕಣ್ಣಲ್ಲಿ ಏನೇನು ನೋಡ್ಬೇಕೋ! ಎಂಬ ಡೈಲಾಗ್ ಕೂಡ ವೀಡಿಯೋ ನೋಡಿದವರಿಂದ ಬಂದಿದೆ.