ದೆಹಲಿ: ಬಾಹ್ಯಾಕಾಶ ಕ್ಷೇತ್ರದಲ್ಲಿ ಭಾರತ ನಿರಂತರ ಸಾಧನೆ ಮಾಡುತ್ತಿದೆ. ಇದೀಗ ಇಸ್ರೋ (ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ) ಮತ್ತೊಂದು ಮೈಲುಗಲ್ಲಿಗೆ ಸಾಕ್ಷಿಯಾಗಿದೆ. ʼಪುಷ್ಪಕ್ʼ ಎಂಬ ಹೆಸರಿನ ಪುನರ್ಬಳಕೆ ಉಡಾವಣೆ ವಾಹನ (ಆರ್ಎಲ್ವಿ)ವನ್ನು ಸತತ ಮೂರನೇ ಬಾರಿಯೂ ಸುರಕ್ಷಿತವಾಗಿ ಲ್ಯಾಂಡಿಂಗ್ ಮಾಡಿ ಇಸ್ರೋ ಹ್ಯಾಟ್ರಿಕ್ ಸಾಧನೆ ಮಾಡಿದೆ.
ಈ ಯಶಸ್ಸಿನ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಇಸ್ರೋ ಮುಖಸ್ಥ ಎಸ್.ಸೋಮನಾಥ್, ಪುಷ್ಪಕ್ ಮೂರನೇ ಬಾರಿಗೆ ಸುರಕ್ಷಿತವಾಗಿ ಲ್ಯಾಂಡಿಂಗ್ ಆಗಿ ಇಸ್ರೋ ಹ್ಯಾಟ್ರಿಕ್ ಜಯ ಸಾಧಿಸಿದೆ. ಇದು ಮುಂದೆ ಆರ್ಬಿಟಲ್ ಪರೀಕ್ಷೆಗೆ ಅನುಕೂಲವಾಗಿದೆ. ಇದನ್ನು ರಾಕೆಟ್ನಲ್ಲಿ ಬಾಹ್ಯಾಕಾಶಕ್ಕೆ ಉಡಾಯಿಸಿ ನಂತರ ಅದು ಆ ಬಳಿಕ ಸುರಕ್ಷಿತವಾಗಿ ಭೂಮಿಗೆ ಇಳಿಯುವುದರಿಂದ ಬಾಹ್ಯಾಕಾಶ ತಂತ್ರಜ್ಞಾನದಲ್ಲಿ ವೆಚ್ಚ ಕಡಿಮೆ ಮಾಡಲು ಗೇಮ್ ಚೇಂಜರ್ ಆಗಲಿದೆ. 21ನೇ ಶತಮಾನದಲ್ಲಿ ಸ್ವದೇಶಿಯಾಗಿ ಮರುಬಳಕೆ ಮಾಡಬಹುದಾದ ರಾಕೆಟ್ಗಳ ಬಳಸಿಕೊಂಡು ಆತ್ಮನಿರ್ಭರಕ್ಕೆ ಇಸ್ರೋ ಪ್ರಯತ್ನಿಸಲಿದೆ ಎಂದು ಹೇಳಿದ್ದಾರೆ
Social Icons